ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
2025 წლის 15 მაისს ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ამერიკისმცოდნეობის სტუდენტთა სამეცნიერო წრე, ამერიკისმცოდნეობის ინსტიტუტი, ამერიკის შესწავლის საქართველოს ასოციაცია გამართავენ ამერიკისმცოდნეობის სტუდენტთა მე-10 სამეცნიერო კონფერენციას, რომელიც ეძღვნება პროფესორ ვასილ კაჭარავას ხსოვნას.
კონფერენციის თემატიკა ფართოა: ისტორია, პოლიტიკა, საგარეო ურთიერთობები, კულტურა, განათლება, ლიტერატურა, ფილოსოფია, ქალთა საკითხები და ა.შ.
· მოხსენებას შეიძლება ჰყავდეს მხოლოდ ერთი ავტორი;
· მოხსენების წარდგენა შესაძლებელია ქართულ ან ინგლისურ ენაზე;
· კონფერენციაში მონაწილეობა შეუძლიათ საქართველოს აკრედიტირებული უნივერსიტეტების საბაკალავრო და სამაგისტრო პროგრამების სტუდენტებს.
გამოგზავნილ მასალებს შეარჩევს კონფერენციის საორგანიზაციო კომიტეტი.
მნიშვნელოვანი თარიღები:
მასალების მიღების ბოლო დღე: 28 აპრილი, 2025
კონფერენციის ჩატარების თარიღი: 15 მაისი, 2025
კონფერენციის გახსნა: 2025 წლის 15 მაისი, 11:00 საათი, თსუ, ამერიკისმცოდნეობის ინსტიტუტი, ოთახი 152 (მე-2 კორპ.)
რეგლამენტი:
მოხსენება – 15 წუთი;
დისკუსია – 5 წუთი;
კონფერენციაში მონაწილეობის მიღებისთვის მომხსენებელმა უნდა გამოგზავნოს:
· მოხსენების სრული სათაური, ავტორის სრული სახელი და გვარი, უნივერსიტეტი, სწავლის საფეხური, კურსი, სასწავლო პროგრამის დასახელება ქართულ და ინგლისურ ენაზე (Microsoft Word დოკუმენტი დაასათაურეთ შემდეგი თანმიმდევრობით: განაცხადი - მომხსენებლის სახელი და გვარი);
· ანოტაცია ინგლისურ და ქართულ ენაზე (Microsoft Word დოკუმენტი, თითოეული 250-300 სიტყვა, შრიფტის ზომა 12, სტრიქონებს შორის მანძილი - 1.5, ქართული ტექსტისთვის ფონტი - Sylfaen, ინგლისური ტექსტისთვის ფონტი - Times New Roman), ანოტაციაში უნდა წარმოაჩინოთ კვლევის სიახლე, აქტუალობა, მიზნები და შედეგები (დაასათაურეთ შემდეგი თანმიმდევრობით: ანოტაცია - მომხსენებლის სახელი და გვარი, მოხსენების სათაური);
· სამეცნიერო ხელმძღვანელის რეკომენდაცია (PDF დოკუმენტი)
საკონტაქტო პირები: ამერიკისმცოდნეობის დოქტორანტი, სტუდენტთა სამეცნიერო წრის თავმჯდომარე ლუკა ჯინჭარაძე და ამერიკისმცოდნეობის დოქტორი, გიორგი ლაბაძე, თსუ, კორპ. 2, ოთახი 152, ამერიკისმცოდნეობის ინსტიტუტი, თბილისი, საქართველო.
ელ-ფოსტა: luka.jincharadze200@hum.tsu.edu.ge
